39 இராஜாங்க அமைச்சர்களை நீக்குங்கள் – பீரிஸ்

உள்ளூராட்சித் தேர்தலை நடத்துவதற்கு பணமில்லை என்றால் முதற்கட்டமாக 39
இராஜாங்க அமைச்சர்களையும் நீக்க வேண்டும் என ஜி.எல்.பீரிஸ் தெரிவித்தார்.

இவர்களுக்கு 340க்கும் மேற்பட்ட வாகனங்கள், எரிபொருள், சம்பளம்,
ஊழியர்கள், சலுகைகள் போன்றவற்றுக்கு பாரிய தொகை செலவிடப்படுவதாக
கூறினார்.

இன்று (திங்கட்கிழமை) நடைபெற்ற ஊடகவியலாளர் சந்திப்பில் கலந்து கொண்டு
உரையாற்றும் போதே அவர் இவ்வாறு குறிப்பிட்டார்.

எனவே 39 இராஜாங்க அமைச்சர்களையும் நீக்கிவிட்டால் செலவிடப்படும் அந்த
தொகையை மிச்சப்படுத்த முடியும் என ஜீ.எல்.பீரிஸ் குறிப்பிட்டார்.

இதேவேளை முன்னாள் ஜனாதிபதி கோட்டாபய ராஜபக்ச ஒரு இராஜாங்க அமைச்சர் கூட
இல்லாமல் ஒரு வருட காலம் நாட்டை ஆட்சி செய்தார் என்றும்
சுட்டிக்காட்டினார்.

உள்ளூராட்சி சபைத் தேர்தலை ஒத்திவைப்பதற்காக அரசாங்கம் நிதி இல்லை என
கூறி விளையாடுவதால் எவ்வித பயனும் கிடைக்காது என்றும் ஜீ.எல்.பீரிஸ்
குறிப்பிட்டார்.

Leave a Reply

Your email address will not be published. Required fields are marked *

முகநூலில் நாம்