ராஜாங்கணை பிரதேசத்தில் உள்ள 30 பாடசாலை மாணவர்களை  தனிமைப்படுத்த நடவடிக்கை

இந்நாட்டில் இனங்காணப்பட்டுள்ள கொவிட் 19 தொற்றாளர்களின் எண்ணிக்கை 2882 ஆக அதிகரித்துள்ளது.

நேற்றைய தினத்தில் (13) ஐக்கிய அரபு இராச்சியத்தில் இருந்து வந்த நபரொருவருக்கு கொரோனா தொற்று உறுதிப்படுத்தப்பட்டுள்ளதாக சுகாதார அமைச்சு தெரிவித்துள்ளது.

இதேவேளை, இந்நாட்டில் கொரோனா தொற்றுக்குள்ளானவர்களில் இதுவரை 2646 பேர் பூரணமாக குணமடைந்து வீடு திரும்பியுள்ளனர்.

தற்போதைய நிலையில் 225 கொவிட் நோயாளர்கள் வைத்தியசாலைகளில் சிகிச்சைப் பெற்று வருகின்றதாக சுகாதார அமைச்சு தெரிவித்துள்ளது.

அவர்களில் அதிகமானோர் கந்தகாடு புனர்வாழ்வு மத்திய நிலையத்தில் சிகிச்சைப் பெற்று வருவதாக சுகாதார அமைச்சு தெரிவித்துள்ளது.

இதேவேளை, ராஜாங்கணை பிரதேசத்தில் பாடசாலை மாணவர்கள் மற்றும் ஆசிரியர்கள் உட்பட 30 பேரை தனிமைப்படுத்த பிரதேச சுகாதார அதிகாரிகள் நடவடிக்கை எடுத்துள்ளனர்.

குறித்த பிரதேசத்தில் பாடசாலை மாணவர் ஒருவருக்கு கொரோனா தொற்று உறுதிப்படுத்தப்பட்டதை தொடர்ந்து இந்த நடவடிக்கை மேற்கொள்ளப்பட்டுள்ளது.  

Leave a Reply

Your email address will not be published. Required fields are marked *

முகநூலில் நாம்