மே 9 வன்முறைகளுடன் தொடர்புடைய மூவர் கைது!

மே 9 ஆம் திகதி இடம்பெற்ற வன்முறைகளுடன் தொடர்புடைய மேலும் மூவர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

கடந்த மே 9 ஆம் திகதி இடம்பெற்ற அரச எதிர்ப்பு ஆர்ப்பாட்டத்தின் பின்னர் நடைபெற்ற வன்முறைகளின் போது பாராளுமன்ற உறுப்பினர்களான லசந்த அலகியவன்ன, விமல் வீரவன்ச மற்றும் அருந்திக்க பெர்ணாண்டோ ஆகியோரின் வீடுகள், வாகனங்கள் மற்றும் காரியாலங்கள் உட்பட  சொத்துக்களுக்கு சேதம் விளைவித்தமை தொடர்பில் சந்தேக நபர்கள்  மூவர்  கைது செய்யப்பட்டுள்ளார்கள்.

மாலம்பே,தங்கொட்டுவ மற்றும் மேல் மாகாண வடக்கு குற்றத்தடுப்பு பிரிவினரால் சந்தேக நபர்கள் கைது செய்யப்பட்டுள்ளார்கள்.

கைது செய்யப்பட்டவர்கள் 37, 43, 45 வயதுகளுடையவர்கள் எனவும் அவர்கள் ஹொகந்துர, கிரிந்திவெல மற்றும் தங்கொட்டுவ பிரதேசங்களை சேர்ந்தவர்கள் எனவும் பொலிஸார் தெரிவித்துள்ளார்கள்.

சம்பவம் தொடர்பில் பொலிஸார் மேலதிக விசாரணைகளை முன்னெடுத்துள்ளனர்.

Leave a Reply

Your email address will not be published. Required fields are marked *

முகநூலில் நாம்