முகக்கவசம் அணிய வேண்டிய மட்டத்திலேயே உள்ளது – சுகாதார அதிகாரிகள்

இலங்கை இன்னும் முகக்கவசம் அணிய வேண்டிய மட்டத்திலேயே உள்ளதாக சுகாதார சேவைகள் பணிப்பாளர் விசேட வைத்தியர் அசேல குணவர்தன தெரிவித்துள்ளார்.

எனவே உரிய வகையில் முகக்கவசம் உள்ளிட்ட சுகாதார வழிகாட்டுதல்களை பின்பற்றுமாறு பொதுமக்களிடம் அவர் கோரிக்கை விடுத்துள்ளார்.

அதேநேரம், கொரோனா வைரஸ் தொற்றினால் உயிரிழக்கும் 60 முதல் 70 வயதிற்கு இடைப்பட்ட 65 சதவீதமானவர்கள் எந்தவொரு கொரோனா தடுப்பூசியினையும் பெற்றுக்கொள்ளாதவர்கள் எனவும் அவர் குறிப்பிட்டுள்ளார்.

இதேவேளை, முகக்கவசம் அணிவது அகற்றப்படும் என்று கூறப்படும் செய்திகளை வைத்தியர் அன்வர் ஹம்தானி, திட்டவட்டமாக நிராகரித்துள்ளார்.

அரசாங்கமோ அல்லது சுகாதார அமைச்சகமோ இதுபோன்ற விவாதங்களை நடத்தவில்லை எனவும் அவர் தெரிவித்துள்ளார்.

உலக சுகாதார அமைப்பு மற்றும் பிற தொடர்புடைய சுகாதார நிபுணர்களின் பரிந்துரையின்படி இது தீர்மானிக்கப்பட வேண்டும் என்று அவர் மேலும் கூறியுள்ளார்.

Leave a Reply

Your email address will not be published. Required fields are marked *

முகநூலில் நாம்