பொருளாதார நெருக்கடியில் இருந்து மீள மக்கள் விரும்பத்தகாத முடிவுகளை எடுக்க வேண்டியுள்ளது- மத்திய வங்கியின் ஆளுநர்

பொருளாதார நெருக்கடியின்போது மக்கள் விரும்பத்தகாத கடினமான முடிவுகளை
எடுக்கவேண்டியுள்ளது எனவும் பொருளாதார நெருக்கடியிலிருந்து மீள்வது
இலகுவானதல்ல எனவும் மத்திய வங்கியின் ஆளுநர் கலாநிதி நந்தலால் வீரசிங்க
தெரிவித்துள்ளார்.

மாத்தறையில் இடம்பெற்ற நிகழ்வொன்றில் கலந்துகொண்ட போதே அவர் இவ்வாறு
தெரிவித்துள்ளார்.

இதன்போது மேலும் தெரிவித்துள்ள அவர், “மிகவும் கடினமான நேரத்தில்
இருக்கிறோம். பொருளாதார நெருக்கடியில் இருந்து மீள்வது எளிதல்ல. சில
கடினமான முடிவுகளை எடுக்க வேண்டும்.

ஆனால் அவை பிரபலமான முடிவுகள் அல்ல. பிரபலமில்லாத கடினமான முடிவுகள்
எடுக்கப்படும்போது, அதில் ஒரு பகுதி பாதிக்கப்படும். அந்த அழுத்தத்தின்
மூலம், முடிவுகளை எடுத்தவர்கள் மீது ஒருவித பழி வரலாம்.

எத்தனை குற்றச்சாட்டுகளை முன்வைத்தாலும் எடுக்கப்படும் முடிவுகள் சரியாக
இருக்கும் பட்சத்தில், தகுதியும் திறமையும் உள்ளவர்களிடம் வளைந்து
கொடுக்காமல் சரியானதைச் செய்யும் திறமை இருக்க வேண்டும்.

இது கடினமானது மற்றும் குறுகிய காலத்திற்கு செய்யப்பட வேண்டும். அதன்
மூலம் நாட்டில் உள்ள அனைவரும் நல்ல நிலைக்கு வரலாம் என்பதை மக்கள்
புரிந்துகொள்ள வேண்டும்” என அவர் மேலும் குறிப்பிட்டுள்ளார்.

Leave a Reply

Your email address will not be published. Required fields are marked *

முகநூலில் நாம்