பளையில் இடம்பெற்ற பேரூந்து விபத்தில் ஒருவர் பலி 15 க்கு மேற்பட்டவர்கள் காயம்

கிளிநொச்சி பளை ஏ9 வீதியில் முள்ளியடி பகுதியில் இடம்பெற்ற பேரூந்து
விபத்தில் ஒருவர் பலியானதுடன் 15 க்கு மேற்பட்டவர்கள்
காயங்களுக்குள்ளாகியுள்ளனர்.

இன்று (21) மாலை 6 மணியளவில் இவ் விபத்து ஏற்பட்டுள்ளது.
திருகோணமலையிலிருந்து முல்லைத்தீவு ஊடாக யாழ்ப்பாணம் நோக்கி பயணித்த
இலங்கை போக்குவரத்துச் சபைக்குச் சொந்தமான பேரூந்தே
விபத்துக்குள்ளாகியுள்ளது.

பளை முள்ளியடிபகுதியில் ஏ9 வீதியில் வேக கட்டுப்பாட்டை இழந்த பேரூந்து
சுமார் 100 மீற்றர் வரை இழுத்துச் செல்லப்பட்டு புரண்டுள்ளது.இதன் போது
குறித்த பேரூந்தில் பயணித்த ஒருவர் பலியானதுடன் 15 க்கு மேற்பட்டவர்கள்
காயமடைந்துள்ளனர். கடுமையான காயங்களுக்குள்ளான பலர் பளை
வைத்தியசாலையிலிருந்து கிளிநொச்சி மாவட்ட வைத்தியசாலைக்கு  நோயாளர் காவு
வண்டிகளில் மேலதிக சிகிச்சைக்காக அனுப்பி வைக்கப்பட்டுள்ளனர்.

இரண்டு இலங்கை போக்குவரத்து சபைக்கு சொந்தமான பேரூந்து போட்டி
போட்டுக்கொண்டு வேகமாக பயணம் செய்ததன் காரணமாகவே வேக கட்டுப்பாட்டை
இழந்து  பேரூந்து விபத்துக்குள்ளானதாக வீதியில் பயணித்தவர்கள்
தெரிவித்தனர்.

மேலதிக விசாரணைகளை பளை பொலீஸார் மேற்கொண்டு வருகின்றனர்.

Leave a Reply

Your email address will not be published. Required fields are marked *

முகநூலில் நாம்