நீரின்றி அழியும் நிலையில் வயல்: பணம் செலுத்தியும் பயனில்லை என்கிறார் விவசாயி

கிளிநொச்சி பெரியபரந்தன் கமக்கார அமைப்பிற்குட்பட்ட இந்துக் கல்லூரிக்கு
முன்பாக உள்ள விவசாயி ஒருவரின் ஐந்து ஏக்கர் வயல் நீரின்றி அழியும்
நிலையில் இருப்பதாக விவசாயி கவலை தெரிவித்துள்ளார்.

குறித்த பகுதியில்  காணப்படுகின்ற தன்னுடைய வயலானது இரண்டு போகம்
விதைக்க கூடிய வயல் நிலம் எனவும், எனவே குறித்த காணிக்கு நீர்
விநியோகின்ற வழியில் தற்போது கழிவு நீர் செல்கின்ற வாய்க்கால்
சீரமைக்கப்பட்டு அகலப்படுத்தப்பட்டுள்ளதால் தன்னுடைய சொந்த செலவில்
வயலுக்கு நீர் கொண்டு செல்வதற்காக அமைக்கப்பட்ட குழாய்கள் அதிகளவு வெள்ள
நீர்காரணமாக உடைந்து காணப்படுகிறது.

இதனை சீரமைத்து தன்னுடைய ஐந்து ஏக்கர் வயல் காணிக்கும் நீர் விநியோகத்தை
மேற்கொள்ளுமாறு கமக்கார அமைப்பு மற்றும் நீர்ப்பாசன திணைக்களம்
ஆகியோரிடம் பல  தடவைகள் கோரியும் இதுவரை செய்து தரவில்லை.  நிதியில்லை
என்று காரணம் கூறுகின்றனர்  எனத் தெரிவித்த அவர் வருடந்தோறும் வாய்க்கால்
 சீரமைப்பு நிதி உள்ளிட்ட அனைத்துக் கட்டணங்களையும் கமக்கார அமைப்புக்கு
முறையாக செலுத்தி வருகின்றேன் ஆனால் என்னுடைய வயலுக்கு நீராக வாய்க்கால்
இன்றி காணப்படுகிறது.

எனவே உரிய தரப்பினர் எனது ஐந்து ஏக்கர் வயலும் அழியும் முன்னர் விரைந்து
கவனம் எடுத்து நடவடிக்கை மேற்கொள்ளுமாறு கேட்டுக்கொள்வதாகவும்
தெரிவித்துள்ளார்.

Leave a Reply

Your email address will not be published. Required fields are marked *

முகநூலில் நாம்