நாடாளுமன்றத்தில் ரணில் இன்று விசேட அறிக்கை – 22ஆவது திருத்தச் சட்டம் குறித்தும் விவாதம்

ஜனாதிபதி ரணில் விக்ரமசிங்க இன்று (வியாழக்கிழமை) நாடாளுமன்றத்தில் விசேட
அறிக்கையொன்றை வெளியிடவுள்ளார்.
நாட்டின் தற்போதைய பொருளாதார நிலைமை தொடர்பிலான அறிக்கையை ஜனாதிபதி
வெளியிடவுள்ளதாக தெரிவிக்கப்படுகிறது.

அண்மையில் இடம்பெற்ற ஆளும் கட்சிக் கூட்டத்தில் ஜனாதிபதி ரணில்
விக்ரமசிங்க இது தொடர்பாக நாடாளுமன்ற உறுப்பினர்களுக்கு அறிவித்துள்ளார்.

இதன்படி, தற்போதைய பொருளாதார நிலைமை குறித்து ஜனாதிபதி இன்று
நாடாளுமன்றத்தில் உண்மைகளை முன்வைப்பார் என நாடாளுமன்ற உறுப்பினர் ஜகத்
குமார குறிப்பிட்டார்.

இதேவேளை, நாடாளுமன்றம் இன்று காலை 9.30 மணிக்கு சபாநாயகர் மஹிந்த யாப்பா
அபேவர்தன தலைமையில் ஆரம்பமாகவுள்ளது.

22ஆவது அரசியலமைப்பு திருத்தச் சட்டமூலம் இன்று முதல் இரண்டு நாட்களுக்கு
விவாதிக்கப்படவுள்ளது. அதன் பின்னர் அதனை நிறைவேற்றுவதற்கு
திட்டமிடப்பட்டுள்ளதாகவும் தெரிவிக்கப்படுகிறது.

Leave a Reply

Your email address will not be published. Required fields are marked *

முகநூலில் நாம்