நடிகர் பிரஜின் நடிக்கும் ‘D3’ டீசர் வெளியீடு

சின்ன திரையிலிருந்து வண்ணத்திரைக்கு உயர்ந்து, நட்சத்திர அந்தஸ்தை பெற கடுமையாக உழைத்து வரும் நடிகர் பிரஜின் நடிப்பில் தயாராகி இருக்கும் ‘D3’ படத்தின் டீசர் வெளியாகி இருக்கிறது. இதனை நடிகர் சிபி சத்யராஜ் தன்னுடைய இணைய பக்கத்தில் வெளியிட்டிருக்கிறார்.

அறிமுக இயக்குநர் பாலாஜி இயக்கத்தில் தயாராகி இருக்கும் முதல் திரைப்படம் ‘ D3’. இதில் பிரஜின் கதையின் நாயகனாக நடிக்க, அவருக்கு ஜோடியாக நடிகை வித்யா பிரதீப் நடித்திருக்கிறார். இவர்களுடன் சார்லி, வர்கீஸ் மேத்யூ, ‘மோகமுள்’ அபிஷேக், ராகுல் மாதவ், காயத்ரி யுவராஜ் உள்ளிட்ட பலர் நடித்திருக்கிறார்கள். பி. கே. மணிகண்டன் ஒளிப்பதிவு செய்திருக்கும் இந்த திரைப்படத்திற்கு ஸ்ரீஜித் எடாவனா இசைறமைத்திருக்கிறார். திரில்லர் ஜேனரில் தயாராகி இருக்கும் இந்த திரைப்படத்தை பிமாஸ் என்டர்டெயின்மென்ட் மற்றும் ஜே கே எம் புரொடக்ஷன்ஸ் எனும் நிறுவனங்கள் சார்பில் தயாரிப்பாளர்கள் எஸ். மனோஜ் மற்றும் சாமுவேல் காட்சன் ஆகியோர் இணைந்து பிரம்மாண்டமான பொருட்செலவில் தயாரித்திருக்கிறார்கள்.

படத்தின் படப்பிடிப்பு நிறைவடைந்து இறுதி கட்ட பணிகள் விறுவிறுப்பாக நடைபெற்று வருகிறது. படத்தின் ஃபர்ஸ்ட் லுக் வெளியாகி பெரும் வரவேற்பை பெற்ற நிலையில் இப்படத்தின் டீசர் வெளியாகி இருக்கிறது.

படத்தைப் பற்றி இயக்குநர் பேசுகையில், ” தமிழகத்தின் தென் பகுதியில் நடைபெற்ற ஒரு உண்மை சம்பவத்தை மையப்படுத்தி பொதுமக்களுக்கு விழிப்புணர்வு ஏற்படுத்தும் வகையில் இப்படத்தின் திரைக்கதை உருவாக்கப்பட்டிருக்கிறது. இதில் நடிகர் பிரஜின் கதையின் நாயகனாக காவலர் கதாபாத்திரத்தில் நடித்திருக்கிறார்.” என்றார்.

டீசரில் இடம்பெறும் ஆக்சன் காட்சிகளும், அனல் பறக்கும் வசனங்களும் படத்தைப் பற்றிய எதிர்பார்ப்பை அதிகப்படுத்தியிருக்கிறது.

Leave a Reply

Your email address will not be published. Required fields are marked *

முகநூலில் நாம்