தொலைபேசியால் வந்த மிரட்டலுக்கு பயந்த கமலஹாசன், சரத்குமாா் 

சென்னையில் நடிகா்கள் கமல், சரத்குமாா் வீடுகளுக்கு வெடிகுண்டு மிரட்டல் விடுக்கப்பட்டது குறித்து போலீஸாா் விசாரணை நடத்தி வருகின்றனா்.

இது குறித்து போலீஸ் தரப்பில் கூறப்பட்டதாவது: சென்னை எழும்பூரில் உள்ள தமிழக காவல்துறையின் தலைமை கட்டுப்பாட்டு அறை தொலைபேசிக்கு வெள்ளிக்கிழமை மாலை ஒரு அழைப்பு வந்தது. அதில் பேசிய நபா், சென்னையில் உள்ள நடிகா் கமலஹாசன், சரத்குமாா் வீடுகளில் வெடிகுண்டு வைக்கப்பட்டிருப்பதாகவும், அது சிறிது நேரத்தில் வெடிக்கும் எனவும் கூறிவிட்டு இணைப்பை துண்டித்தனா்.

இதையடுத்து ஆழ்வாா்பேட்டையில் உள்ள நடிகா் கமலஹாசன் வீட்டிலும், கொட்டிவாக்கத்தில் உள்ள நடிகா் சரத்குமாா் வீட்டிலும் வெடிகுண்டு தடுப்புப் பிரிவு போலீஸாா் சோதனை செய்தனா்.

பல மணி நேரம் நடைபெற்ற இச் சோதனையில் எந்த வெடிப்பொருளும் கண்டெடுக்கப்படவில்லை. இதனால் வதந்தியைப் பரப்பும் நோக்கில் அந்த அழைப்பு வந்திருப்பது போலீஸாருக்கு தெரியவந்தது. இது குறித்து சைபா் குற்றப்பிரிவு போலீஸாா், அந்த அழைப்பில் பேசிய நபா் யாா் என விசாரணை நடத்தி வருகின்றனா்.

Leave a Reply

Your email address will not be published. Required fields are marked *

முகநூலில் நாம்