சுமார் 24 கோடி ரூபா பெறுமதியான கொக்கைன் போதைப்பொருளுடன் போலந்து பிரஜை ஒருவர் கைது!

சுமார் 24 கோடி ரூபா பெறுமதியான கொக்கைன் போதைப்பொருளுடன்  போலந்து பிரஜை ஒருவர் கைது செய்யப்பட்டுள்ளார். 

கட்டுநாயக்க விமான நிலைய  சுங்கப் பிரிவினர் அவரைக் கைது செய்ததாக சுங்க ஊடகப் பேச்சாளர், சுங்கப் பணிப்பாளர் ( சட்டம் ) சுதத்த சில்வா தெரிவித்தார்.

கொலம்பியாவிலிருந்து கட்டார் நோக்கி பயணித்து, பின்னர் கட்டாரின் தோஹா நகரிலிருந்து கட்டார் விமான சேவைக்கு சொந்தமான விமானமொன்றில் கட்டுநாயக்க விமான நிலையம் வந்த ஒருவரே இவ்வாறு கைது செய்யப்பட்டுள்ளார்.

குறித்த போலந்து பிரஜை எடுத்து வந்த பயணப் பொதியை  கண்டுபிடிக்க முடியாது, முதலில் விமான நிலையத்திலிருந்து வெளியேறி, பின்னர் மீள பயணப் பொதியினை எடுத்து செல்வதற்காக வந்த போது இவ்வாறு கைது செய்யப்பட்டதாக சுங்கப் பிரிவினர் கூறினர்.  

பயணப் பொதி தொடர்பில் சந்தேகம் எழுந்துள்ளதை அடுத்து சுங்க போதைப் பொருள் கட்டுப்பாட்டு பிரிவினர் அதனை சோதனைக்கு உட்படுத்தியுள்ளனர். 

இதன்போது,  பயன்படுத்தப்பட்ட தொலை நகல் இயந்திரம் ஒன்றுக்குள்,  கடதாசி சுருள்களுக்குள்  சுமார் 5 கிலோ கிராம் நிறைக் கொண்ட  கொக்கைன் போதைப் பொருள் கண்டுபிடிக்கப்பட்டுள்ளது.

 இந் நிலையிலேயே போலந்து பிரஜையை கைது செய்துள்ள சுங்கப் பிரிவினர், மேலதிக விசாரணைகளுக்காக அவரி பொலிஸ் போதைப் பொருள் தடுப்புப் பிரிவினரிடம் ஒப்படைத்துள்ளனர். 

Leave a Reply

Your email address will not be published. Required fields are marked *

முகநூலில் நாம்