கண்டாவளையில் இடியன், கட்டுத்துவக்குடன் துப்பாக்கி, ரி56 தோட்டாக்களுடன் ஒருவர் கைது!

கிளிநொச்சி தருமபுரம் பொலிஸ் பிரிவுக்குட்பட்ட கண்டாவளை கோணங்குளம்
பகுதி வீடொன்றிலிருந்து இடியன் துவக்கு 3, கட்டுத்துவக்கு 11, இடியன்
துவக்கின் பட் 5, ரி56 துப்பாக்கி தோட்டாக்கள் 250, ஈய குண்டுகள் 8,
பட்டாசு வெடிகள் 16, பன்றி இறைச்சி 8 கிலோ, உடும்பு தோல் 1 போன்ற
பொருட்களுடன் 31 வயது இளைஞர் ஒருவர் கைது செய்யப்பட்டுள்ளார்.

இராணுவ புலனாய்வுத்துறையினருக்கு கிடைத்த இரகசிய தகவலை அடுத்து கிளிநொச்சி
57 படைப்பிரிவின் கீழ் உள்ள 9 வது சிங்க படைப்பிரிவு விசேட
அதிரடிப்படையினர் மற்றும் வன ஜீவராசி திணைக்களம் இணைந்து சந்தேகத்துக்கு
இடமான வீட்டை சோதனையிட்ட போதே வீட்டில் மறைத்து வைக்கப்பட்டிருந்த
மேற்படி பொருட்கள் மீட்கப்பட்டுள்ளன.

இது தொடர்பான மேலதிக விசாரணைகளை தருமபுரம் பொலிஸார் மேற்கொண்டு வருகின்றார்கள்.