ஐஸ் போதைப்பொருளை உட்கொண்ட அறிகுறி 2 வயதான குழந்தை ஆபத்தான நிலையில் உள்ளது

ஐஸ் போதைப்பொருள் பாவித்தமைக்கான அறிகுறியுடன் 2 வயதான குழந்தை யாழ்.
போதனா வைத்திய சாலையில் ஆபத்தான நிலையில் சிகிச்சை பெற்று வருவதாக
வைத்தியசாலை வட்டாரங்கள் தெரிவிக்கின்றன.

முல்லைத்தீவு கொக்கிளாய் பகுதியை சேர்ந்த இரண்டு வயதான குழந்தை திடீரென
நோய்வாய்ப்பட்ட நிலையில் முல்லைத்தீவு வைத்தியசாலையில் அனுமதிக்கப்பட்டு
, மேலதிக சிகிச்சைக்காக யாழ்.போதனா வைத்திய சாலையில் அனுமதிக்கப்பட்டது.

இந்நிலையில் குழந்தையின் சிறுநீர் மாதிரிகளை பரிசோதனைக்கு உட்படுத்திய
போது, குழந்தை ஐஸ் போதைப்பொருளை உட்கொண்டு இருந்தமைக்கான அறிகுறிகள்
உள்ளதன வைத்தியசாலை தகவல்கள் தெரிவிக்கின்றன.

இதேவேளை குழந்தையின் தாயாரிடம் விசாரணை செய்த போது குழந்தையின் தந்தை
முன்னர் போதைப்பொருள் பாவித்தார் எனவும் ,ஆனால் தற்போது அவர் பாவிப்பதனை
கைவிட்டு விட்டார் எனவும் , குழந்தை எவ்வாறு போதைப்பொருளை உட்கொண்டது என
தெரியாது எனவும் அவர் கூறியுள்ளார்.

மேலும் இது தொடர்பாக விசாரணைகளை முல்லைத்தீவு பொலிஸார்
ஆரம்பித்துள்ளார்கள் என்பது குறிப்பிடதக்கது.

Leave a Reply

Your email address will not be published. Required fields are marked *

முகநூலில் நாம்